Volkslied / Traditional

Unsa Bruada Veidl wüll a a Reida wer´n
Hoda jo kua Reidarouß, wia kunna una wer´n?
Die Muatta nimmt an Kuchlstock
mocht an Veidl a Reidarouß,
Reit, Veidl, reit, da Türk is niamma weit!

Unsa Bruada Veidl wüll a a Reida wer´n
Hoda jo kua Reidazaam, wia kunna una wer´n?
Die Muatta nimmt an Hemmatsam
mocht an Veidl an Reidazaam,
Reit, Veidl, reit, da Türk is niamma weit!

Unsa Bruada Veidl wüll a a Reida wer´n
Hoda jo kuan Reidastiefl, wia kunna una wer´n?
Die Muatta nimmt an Riakibl
mocht an Veidl an Reidastiefl,
Reit, Veidl, reit, da Türk is niamma weit!

Unsa Bruada Veidl wüll a a Reida wer´n
Hoda jo kuan Reidajankal, wia kunna una wer´n?
Die Muatta nimmt a Spinnaflankal
mocht an Veidl an Reidajankal,
Reit, Veidl, reit, da Türk is niamma weit!

Unsa Bruada Veidl wüll a a Reida wer´n
Hoda jo kuan Reidahööm, wia kunna una wer´n?
Die Muatta nimmt an Nochttopf,
setzt´n an Veidl aufn Kopf
Reit, Veidl, reit, da Türk is niamma weit!

Unsa Bruada Veidl wüll a a Reida wer´n
Hoda jo kuan Reidahaundschui, wia kunna una wer´n?
Die Muatta nimmt hoaßn Brei,
steckt an Veidl d´Protzn drei
Reit, Veidl, reit, da Türk is niamma weit!

Zu hören auf der CD "Huamweh"